Tuesday, April 24, 2012

Kaafi Sayshata Habeeb Di.. ਕਾਫ਼ੀ ਸਾਇਸ਼ਤਾ ਹਬੀਬ ਦੀ

ਉੱਠ ਸੁੱਤਿਆ ! ਤੇਰੇ ਅੰਦਰ ਕੌਣ ਏ ਜਾਗਦਾ...ਕਿਉਂ ਜਗਦਾ ਨਹੀਂ
ਉੱਠ ਰੁੱਸਿਆ ! ਤੇਰੇ ਬਾਹਰ ਕੌਣ ਏ  ਮਨਾਂਵਦਾ...ਕਿਉਂ ਮੰਨਦਾ ਨਹੀਂ
ਤੈਨੂੰ ਲੂੰ ਲੂੰ ਗਹਿਣੇ ਕਿਨ ਪਾਏ
ਤੇਰੇ ਜੀਅ ਨੂੰ ਜੰਦਰੇ ਕਿਸ ਲਾਏ... ਕਿਉਂ ਭੰਨਦਾ ਨਹੀਂ
ਕਿਉਂ ਉੱਜੜ ਗਿਆ ਤਨ ਮਨ ਵਸਦਾ
ਨਹੀਂ ਖੋਹਲ ਕੇ ਪੂਰੀ ਗਲ ਦਸਦਾ.. ਕਿਉਂ ਹੱਸਦਾ ਨਹੀਂ

ਕੋਈ ਚੜਿਆ ਕਿ ਲੱਥ ਘਾਟ ਗਿਆ
ਕੋਈ ਰੰਗ ਦੀਵੇ ਦੀ ਲਾਟ ਗਿਆ....ਮਨ ਮੰਨਦਾ ਨਹੀਂ
ਇਕ ਆਪਣੇ ਆਪ ਤੋਂ ਡਰ ਗਏ ਨੇ
ਕਿਤੇ ਪਿਛਲੇ ਅੰਦਰ ਵੜ ਗਏ ਨੇ.... ਗੱਲ ਕੱਢਦਾ ਨਹੀਂ।

ਤੇਰੇ ਨਿੱਤ ਉਲਾਮੇ ਲਾਹਵਾਂ ਮੈਂ
ਤੈਨੂੰ ਹਾਰ ਹਮੇਲਾ ਪਾਵਾਂ ਮੈਂ
ਕਿਤੇ ਧਾਰ ਕੇ ਆਪਣਾ ਆਪ ਗੁਰੂ
ਨਿਤ ਤੇਰੀਆਂ ਕਸਮਾਂ ਚਾਵਾਂ ਮੈਂ.... ਅਖ ਪਟਦਾ ਨਹੀਂ
ਕੀ ਹੋਇਆ ਤੇਰੇ ਨਾਲ ਸਜਣ.... ਕਿਉਂ ਦਸਦਾ ਨਹੀਂ।

No comments:

Post a Comment