Thursday, April 19, 2012

ਵਸੀਅਤ (Meri Maut Te Na Royeo)


ਮੇਰੀ ਮੌਤ 'ਤੇ ਨਾ ਰੋਇਓ,ਮੇਰੀ ਸੋਚ ਨੂੰ ਬਚਾਇਓ
ਮੇਰੇ ਲਹੂ ਦਾ ਕੇਸਰ, ਰੇਤੇ 'ਚ ਨਾ ਰਲਾਇਓ

ਮੇਰੀ ਵੀ ਜ਼ਿੰਦਗੀ ਕੀ ? ਬਸ ਬੂਰ ਸਰਕੜੇ ਦਾ,
ਆਹਾਂ ਦਾ ਸੇਕ ਕਾਫ਼ੀ,ਤੀਲੀ ਬੇਸ਼ੱਕ ਨਾ ਲਾਇਓ

ਹੋਣਾ ਨਹੀਂ ਮੈਂ ਚਾਹੁੰਦਾ,ਸੜ ਕੇ ਸੁਆਹ ਇਕੇਰਾਂ
ਜਦ ਜਦ ਢਲੇਗਾ ਸੂਰਜ,ਕਣ ਕਣ ਮੇਰਾ ਜਲਾਇਓ


ਵਲਗਣ 'ਚ ਕੈਦ ਹੋਣਾ,ਮੇਰੇ ਨਹੀਂ ਮੁਆਫ਼ਕ
ਯਾਰਾਂ ਦੇ ਵਾਂਗ ਅਰਥੀ,ਸੜਕਾਂ 'ਤੇ ਹੀ ਜਲਾਇਓ


ਜੀਵਨ ਤੋਂ ਮੌਤ ਤਾਈਂ,ਆਉਂਦੇ ਬੜੇ ਚੁਰਾਹੇ
ਜਿਸਦਾ ਹੈ ਪੰਧ ਬਿਖੜਾ, ਓਸੇ ਹੀ ਰਾਹ ਲਿਜਾਇਓ
.. Sant Ram Udasi Ji

No comments:

Post a Comment